September « 2011 « GNS blog

2011 September 10

සම්පත් නෙට් වෙනුවට “සම්පත් විශ්ව” | SampathVishwa instead of SampathNet

Filed under: Internet,Public — Tags: Sampath Bank, Sampath Vishwa, Sampath Web Card, SampathNet, සම්පත් විශ්ව — GNS @ pm 1:14

සම්පත් නෙට්, සම්පත් බැංකුවෙ අන්තර්ජාල බැංකු සේවාව දැන් සෑහෙන කාලෙක ඉඳන් ක්‍රියාත්මක වෙන සේවාවක්. ටිකක් විතර පරණ පාට UI (User Interface) එකක් සහ එක විට ටැබ් දෙකක වැඩ කටයුතු කරන්න බැරි අවුල තදටම තිබුන පද්ධතියක් තමයි සම්පත් නෙට්. එක ටැබ් එකක එක පිටුවක් Open කරලා, තවත් පිටුවත් තව ටැබ් එකක් open කලොත් ටැබ් දෙකෙන් එකක Session එක destroy වෙලා..

Sampath Vishwa

අලුතින් හඳුන්වල දීල තියෙන “සම්පත් විශ්ව“ එකේ අර අවුල් නම් නෑ. UI එකත් ලස්සනයි, පහසුයි. බිල් ගෙවන පිටුව ගානට කැටගරි අනුව වර්ග කරලා තියෙන්නෙ,
Sampath Vishwa Payments Page තවත් දෙයක්, සම්පත් නෙට් ගිණුමක් පවත්වගෙන යනවට සම්පත් බැංකුව රු700 ගාණක් අය කලා, සම්පත් විශ්ව ගිණුමකට වාර්ෂික ගාස්තුව රු500ක් කියල තමයි සම්පත් වෙබ් අඩවියෙ කියල තියෙන්නෙ, වැදගත්ම අංගය තමයි ක්‍රෙඩිට් කාඩ් විස්තර ඉතා පැහැදිලිව හා විස්තරාත්මකව නව අඩවියෙ දක්වලා තියෙන එක, අපි නම් ක්‍රෙඩිට් කාඩ් පාවිච්චියක් නෑ (ඇත්තම කියනව නම් කාඩ් එකක් ගන්න බැංකුවට පෙන්නන්න වත්කමක් නෑ ), අපි පාවිච්චි කරන්නෙ ඉතින් වෙබ් කාඩ් තමයි.. (ඔන්න වෙබ් කාඩ් පාවිච්චි කරන අයට බලාගන්න මාගල පිටින්ම දැම්මා ක්‍රෙඩිට් කාඩ් විස්තර පිටුව..)
Sampath Vishwa Credit Cards

ගෙවපු මුදල රුපියල් වලින්ම සහ ඩොලර් (හෝ වෙනත් ගෙවන ලද මුදල් ඒකකයෙන්) යන දෙකෙන්ම දක්වලා තියෙන එක ලොකු පහසුවක් (මොකද, කාට ගෙවුවද කියල මතක නෑ නෙ, කීයක් ගෙවුවද කියල විතරනෙ මතක)

සම්පත් නෙට් වල තිබුන අවුලක් සම්පත් විශ්ව එකෙත් එහෙම්මම තියෙනවා, ඒ තමයි Password එක අමතක උනොත් බඩු පැකට් වෙන එක.. ඒ කියන්නෙ, Password Reset Option එකක් මේකෙත් නෑ, Password Reset කරගන්න නම් බැංකුවට ගිහින් ලියුමක් දෙන්න වෙනවා Account Lock එක ඇරලා දෙන්න කියල හරි, අලුතින් password එකක් දෙන්න කියල හරි.. බැංකුවෙන් ලියුම Card Center එකට යවලා, ඒකෙන් කරන හරිය කරලා, ආපහු බැංකුවට අලුත් Password එක එවලා, බැංකුවෙන් අපිට ලියුමක් එවලා අපි ගිහින් Password එක ගන්නකොට කොහොමත් සති දෙක-තුනක් ගිහින්..

Online Password Reset කරගන්න පහසුතමක් නැති තරමට හොඳයි හැබැයි සල්ලි එක්ක ගණුදෙණු කරනකොට. ඒත් ලඟම සම්පත් බැංකු ශාඛාවට ගිහින් password reset කරගන්න පුළුවන් උනා නම් ඒ හොඳටම ඇති..

කොහොඹ උනත් සම්පත් නෙට් ගිණුමක් තියෙන අය අදම Migrate වෙන්න, වෙබ් කාඩ් පාවිච්චර කරන අය අලුත් ගිණුමත් පටන් ගත්තට පාඩු නෑ. වැඩි විස්තර සම්පත් බැංකු වෙබ් අඩවියෙන් : Sampath Vishwa ..

Comments (2)

2011 September 1

වෙබ් අඩවි සඳහා ෆේස්බුක් ලයික් | Facebook LIKE for Websites

Filed under: Public,Technology — Tags: Facebook, Facebook LIKE, FBML, Open Graph — GNS @ pm 3:00

“ෆේස්බුක් ලයික්“ මේ වන විට ඉතාම ජනප්‍රිය විශේෂාංගයක්. ෆේස්බුක් අඩවිය තුල මෙන්ම, වෙනත් වෙබ් අඩවි තුල පවා දක්නට ලැබෙන ලිපි, තම මිතුරන් හා බෙදාගැනීමට ෆේස්බුක් විසින් මේ අංගය හඳුන්වා දී තිබෙන්නෙ, මෙහි ඇති විශේෂම ලක්ෂණය තමයි තනි ක්ලික් එකකින් (Single Click) ලයික් කිරීම සිදුකල හැකි වීම. ඕනෑම අඩවියකට Like button එකක් යොදාගැනීමේ සරලම ආකාරය තමයි පහතින් දක්වල තියෙන්නෙ,

<iframe src="http://www.facebook.com/plugins/like.php?href=http://link_to_like"></iframe>

LIKE ක්‍රියාවලියෙදි පාර්ශව තුනක් දායක වෙනවා, ඒ ලයික් බොත්තම ඇති පිටුව (Current Page), ෆේස්බුක් අඩවිය, ලයික් කල යුතු පිටුව (Destination Page)

http://www.facebook.com/plugins/like.php?href=http://link_to_like

ඉහත සබැඳුමෙහි නිල් පාටින් දක්වා තියෙන්නෙ Facebook අඩවිය සම්බන්ධ වන ආකාරය, රතු පාටින් දක්වල තියෙන්නෙ ලයික් කල යුතු පිටුව, මේ මුළු සබැඳුම ම තියෙන්න පිටුව තමයි current page එක.
(destination url එක ලෙස current page එකම වුවත් භාවිතා කරල තියෙන්න පුළුවන්)

current page එක තුල ලයික් බොත්තම load කරගැනීමට ක්‍රම දෙකක් පාවිච්චි කරන්න පුළුවන්. ඒ iFrame එකක් භාවිතයෙන් හෝ, FBML (Facebook Markup Language) භාවිතයෙන්.
පිටුව තුල දැමීමට අදහස් කරන්නෙ එක ලයික් බොත්තමක් පමණක් නම් මින් කුමන ක්‍රමය භාවිතා කලත් ගැටළුවක් නැහැ. නමුත් Like button එකකට වැඩි ගණනක් දැමීමට අදහස් කරනවා නම් FBML බාවිතා කරන එක වඩා උචිතයි.
FBML හි වාසිය නම්,
<script src=”http://connect.facebook.net/en_US/all.js#xfbml=1″></script> ලෙස <head> ඇතුලත් කර,
Like button එක ලෝඩ් කිරීමට අවශ්‍ය වූ විට <fb:like href=”link_to_like”></fb:like> ලෙස යෙදීමෙන් පමණක් ලයික් බොත්තම ලෝඩ් කරගැනීමට හැකිවීමයි.

තමන්ට අවශ්‍ය ආකාරයට ලයික් බොත්තමත් නිර්මාණය කරගැනීමට https://developers.facebook.com/docs/reference/plugins/like වෙත පිවිසෙන්න.

දැන් Like Button එක හදාගෙන ඉවරයි, කොහොමද දැන් වැඩේ වෙන්නෙ?

ඉස්සෙල්ලාම, Like Button එකෙන් ෆේස්බුක් අඩවියට කියනවා “මේ ලින්ක්“ එකට ලයික් එකක් දාන්න කියලා (Step 1),
ඊට පස්සෙ ෆේස්බුක් අඩවියෙන් අදාල destination page එකේ මූලික විස්තර ටික ඉල්ලනවා (Step 2)
අදාල පිටුවෙ මූලික විස්තර (පිටුවේ Title එක, පිටුවට අදාල Thumbnail එක ආදිය) meta tag වල දක්වලා තියෙනව නම් ඒ විස්තරත්, එහෙම දක්වලා නැතිනම් ඒ අවස්ථාවේ පිටුවේ තියෙන Title එක, පිටුවේ කොතන හෝ ඇති පින්තූරයක් thumbnail එක ආදිය මූලික දත්ත ලෙස නැවත ෆේස්බුක් අඩවිය වෙත යැවෙනවා. (Step 3)

දැන් Destination Page එක ගැන පොඩ්ඩක් හොයල බලමු,
ඉහත සඳහන් කල මූලික විස්තර ෆේස්බුක් අඩවිය විසින් කියවනු ලබන්නේ Open Graph ටැග තුල විස්තර තියෙනවා නම් පමණයි, මෙහි තියෙන වාසිය තමයි, තමන්ට අවශ්‍ය දත්ත ෆේස්බුක් අඩවිය වෙත ලබාදෙන්න හැකි වීම.
පහත දැක්වෙන්නෙ මේ සඳහා අවශ්‍ය මූලික ටැග

<meta property="og:title" content="වෙබ් අඩවි සඳහා ෆේස්බුක් ලයික්  | Facebook LIKE for Websites" />
<meta property="og:type" content="article" />
<meta property="og:url" content="http://blog.gnslk.com/link" />
<meta property="og:image" content="http://www.gnslk.com/image" />
<meta property="og:site_name" content="GNS blog" />
<meta property="fb:admins" content="76399949708" />

මෙහි og:type එක නිසි ආකාරයෙන් සඳහන් කරල තියෙන්න ඕනෙ, මෙම ලැයිස්තුවෙන් තමන්ගේ ලින්ක් එකට වඩා ගැලපෙන og:type එක තෝරාගන්න, https://developers.facebook.com/docs/opengraph/#types
තවද, මෙහි ඇති වැදගත්ම අංගය තමයි, fb:admins තුලින්, මෙම ලින්ක් එක අයිති කා හටද කියන එක සඳහන් කල හැකි වීම. මෙතනට අයිතිකරුගේ Profile ID එක යෙදීම තුලින් අදාල සබැඳුමට ලයික් කල අය පිළිබඳ විස්තර ලබාගන්න පුළුවන්.

මෙම Open Graph ටැග තිබිය යුත්තෙ Like Button එක මගින් point වෙන Destination Page එකේ <head> කොටස තුල,

Self Hosted WordPress සඳහා open graph දැමීමට අවශ්‍ය නම් පහත කේතය භාවිතා කල හැක. මේ සඳහා Theme ෆෝල්ඩරය තුල ඇති header.php ගොනුව edit කල යුතුය

<meta property="og:title" content="<?php echo the_title() ?>"/>
 <meta property="og:type" content="article"/>
 <meta property="og:url" content="<?php echo get_permalink(); ?>"/>
 <meta property="og:image" content="fixed_image_url"/> (මෙසේ යෙදීමෙන් හැම විටම පෙන්වන්නෙ එකම පිංතූරය, Theme එක Featured Image සඳහා සහය දක්වයි නම් එක භාවිතා කරන්න)
 <meta property="og:site_name" content="Blog Name"/>
 <meta property="fb:admins" content="your_facebook_id" />

Comments (2)