Gayantha's Personal Blog…
අනංමනං
Gigabit Internet..
පෙබ 25th
[[මනඃකල්පිත කතන්දරයකි. සිරා අරං මට බනිනව එහෙම නෙමෙයි ඕං]]
හික්. මටත් මේ නිකං ඉන්න බැරුවට හිතෙන දේවල්. 
හැම කෙනෙක්ටම (නිවෙස් සම්බන්ධතා ඇතුළුව) ගිගාබිට් එකක (1Gbps) විතර අන්තර්ජාල සම්බන්ධතාවයක් $2ක විතර මුදලට හම්බඋනොත් කොහොමට තියෙයිද.. 
හම්බ වෙන්නෙ කොහොමද කියල නම් මගෙන් අහන්න එපා. 
දැනට තියෙන ADSL වලින් බැරි එක වෙනම කතාවක්, කියන්න බෑනෙ ADSL10 විතර ආපු කාලෙක.. 
(සමහරවිට කවදාවත්, එහෙම දෙන්න පුළුවන් තාක්ෂණයක් ආවත්, ISPලා නොදී ඉන්නත් ඉඩ තියෙනවා) 
එහෙම දුන්නොත් හුඟක් රටවල් වල,
- මැරීගෙන ඩවුන්ලෝඩ් කිරිල්ල නැත්තටම නවතීවි (ඕනෙ කරන ෆයිල් එක තත්පර ගණනකින් ගන්න පුළුවන් නිසා රෑ එළි වෙනකන් ඩවුන්ලෝඩ් ලිස්ට් ගහගෙන මැරෙන්න ඕනෙ නෑ නෙ)
- RapidShare, RapidSream වගේ නමකට මාරු වේවි
- YouTube වලට වැඩ වැඩි වේවි
- සර්වර් බොහොමයක් OverLoad වේවි
- Google නම් එන ඕනෙම Request එකකට සාර්ථකව මුහුණදේවි
- CD/DVD අලෙවිය නැත්තටම නැතිවේවි
- Online File Backup සේවාවන් වලට වැඩි ඉල්ලුමක් ඇති වේවි
- Cat-5 Network Cable හොයන්නත් නැති වේවි
- සමහර විට පාසැල්, පන්ති, දේශන වලට යන එක උනත් නවතීවි
.
ඒත් ලංකාවෙ අපිට නම්,
SLT ADSL Home (512kb/s)
සිංහයාත් විකුණන බේබද්දෝ..
පෙබ 1st
ඔන්න අද තමයි අපිට 2010 පටං ගන්නෙ. (ජනවාරි මාසෙට වෙච්ච දෙයක් නෑ. නටපු බෙරේකුත් නෑ – ගහපු පළුවකුත් නැද්ද මොකක්ද එකක්.. ) 2010 අවුරුද්ද යන්නෙ Fast Forward X2 වෙන්න ඇති.. 
ඒකෙන් මේකෙන් කමක් නෑ. සියළු දෙනාටම සුභම සුභ අවුරුද්දක් වේවා කියල කිවුව එහෙනම්. 
අලි මදිවට හරක් මදිවට පරණ කට්ටි පැනපුව පල දෙනවත් එක්ක.
ගිය අවුරුද්දෙ අත ඇරපු Module එකක විභාගෙට ඉල්ලුම්පත් භාරගන්න අන්තිම දවස අද. අපි ඉතින් කොහොමක් කල් වේලා ඇතුව වැඩකරන අය හින්දා අද වෙනකංම උඩ බලං ඉදල ගියා ඉල්ලුම්පත්රයත් අරං. ඒක බාරදීල එහෙම සුපුරුදු පරිදි ගියා අපේ ජාතික කෞතුකාගාරය වන Unity Plaza එකට. ඒකට ගිහින් ඒකෙ තියෙන මාළු ටැංකි, දිය ඇලි එහෙම බලල ආපහු ගෙදර එන්න නැග්ග ඔටුව-පිට ඔටුව බස් එකකට.. 
නැගල ටිකක් දුර එද්දි ටිකක් තරුණ බුවෙක් ජාතික කොඩි 
ස්ටිකර් මිටියකුත් අරං නැග්ග බස් එකට. මං ලගට ඇවිත් “මචං. කොඩියක් අරං පුංච් සපෝට් එකක් දියං”.. හම්මේ සිගරට් ගඳ.. (smoke) 
එතකොටම තේරුනා මූ මොකටද සපෝට් එක ඉල්ලන්නෙ කියල. මමත් ඉතිං ඇහුනේ නෑ වගේ පාරෙ කඩ ගනින්න පටං ගත්තා.. මූ ආපහු “මචං. කොල්ලෙක්ට උදවු කරන්න කොල්ලෙක්ට බැරිද. ස්ටිකර් එකක් ගන්න බැරි නම් රුපියල් 10ක හරි දියං” කියාපි.. ( Job එකක් කරල, සිගරට් බන්ඩල් එකක්ම අරං, ගෙදර ගිහින් ගහපංකො අපිට පවු නොදී.. 
) මමත් ඉතිං මූණට නොබැන අහක බලාගෙන හිටියා. ඒත් මූ යන්නෙම නෑ. ස්ටිකර් එක අතටම දෙන්න හදනව. මමත් ඉතින් මට මොකෝ කියල හිටිය. වැඩේ හරියන්නෙ නෑ කියල තේරුනාට පස්සෙ මට එහාපැත්තෙ හිටපු පුද්ගලයගෙ දත ගලවන්න සෙට් උනා. (මමයි තව යාළුවො දෙන්නෙකුයි හිටියෙ. ඒ දෙන්නගෙන් කෙනෙක්ව තමයි මේ සැරේ අල්ලගත්තෙ.. වැඩේ හරියන්න්න්නෙම නෑ කියල තේරුනාට පස්සෙ ස්ටිකර ටිකත් අරන් බස් එකේ ඉස්සරහට, ඉස්සරහට යන්න ගියා බස් එකේ හිටපු අනිත් මිනිස්සුන්ටත් කරදර කර කර.. (මට එහාපැත්තෙන් හිටපු යාළුවට කියල තියෙන්නෙ “යාළුවෙක්ගෙ ඔපරේෂන් එකකට සල්ලි වගයක් මදි, ඒක හින්ද උදව්වක් කරන්න කියල”.. 
)
මේ වගේ පුද්ගලයො දැං හැමතැනම ඉන්නව (මූ වගේ එපා කරපු උන්, එපා කරපු නැති උං සහ අතරමැද කස්ටිය)… 
විකුණන්නෙ ජාතිකකොඩිය… ජාතික කොඩියම නැතත්, මොකක් හරි විකුණගන්න පුළුවං දේවල් තියෙනකං බස් එකක යන්න නෑ මේ සම්මාදං කාරයො හින්දා.. 
Good Bye – 2009
දෙසැ 29th
2009 අවුරුද්දත් ඉවරයි.. මේ අවුරුද්ද මට ටිකක් Online පැත්තට බර වෙච්ච අවුරුද්දක්. ඒකට හේතුව Dial-up එක්ක කොට කොට හිටපු මම බෝඩ්බෑන්ඩ් ගත්ත එක.. ඉස්සෙල්ලම ගත්තෙ Dialog HSDPA එකක්. ඒක සෑහෙන්න වද දුන්න උනත්, ඒ වදේ හින්දම තමයි SLT ADSL ගන්න පෙළඹුනේ. ඒ වෙනකොට (Dial-up වලින්) බ්ලොග් කියව කියව විතරක් හිටපු මම Myblog.lk එකේ සිංහල අතුරු මුහුණත දැකල බිලොග් ලියන්නත් පෙළඹුනා. ඒ වෙනකොට සින්ඩිකේටරයක්, බ්ලොග් සංසදයක් තියෙනව කියලවත් දැනගෙන හිටියෙ නෑ. කොහොම කොහොම හරි Myblog එකේ හිටපු මට රුක්ෂාන් අයියගෙ ඔත්තුවකින් මටම කියල Domain එකක් ගන්න චෑන්ස් එකක් සෙට් උනා. අපේ ගම්පහ නගරාධිපතිතුමා තමයි බරපැන ඔක්කොම දැරුවෙ 
. Myblog එකේම ඩොමේන් මැප් කරල ටික දවසක් දුවල, පස්සෙ වෙන හොස්ට් එකකට මාරු කලා. මේ වෙද්දි හොස්ටිං දෙතුන්සැරයක්ම මාරු කරල තියෙන්නෙ.. 
ඔය අතරෙ තමයි මම ටීටරේට සෙට් උනේ.. කොහොම සැට් උනාද කියල මතකයක් නැති උනත් දැං ටීටරේටත් සෑහෙන දුරට ඇබ්බැහි වෙලා තියෙන්නෙ. ඒකෙනුත් සෑහෙන කස්ටිය අදුරගත්තා. විශේෂයෙන්ම බ්ලොග් ලියන කට්ටිය. දූවිලි වැදිල තිබ්බ Facebook Account එකත් දූවිලි පිහදාලා අරං අප් කරල ගත්තෙත් මේ අවුරුද්ද ඇතුලෙමයි. (Facebook, Twitter කෙරුවවෙ තරම මගෙ Wakoopa Profile එක පැත්තෙ ගියොත් බලාගන්න පුළුවන්.. 
කාලෙකට ඉස්සර දවසකට දෙකකට දාපු උබුන්ටු එක දිගටම පාවිච්චි කලෙත් මේ අවුරුද්දෙ. ඒ වගේම හෙනම ගේමක් දීලා මැක් OS X දාගැනීමත් මේ අවුරුද්දෙ උන සුවිශේෂම දෙයක්. මැක් වලට සිංහල ෆොන්ට් එකක් නිර්මාණය වී තිබීමත්, qsFox ෆයර්ෆොක්ස් ඇඩෝනය මගින් විජේසේකර යතුරු පුවරුව මැක් තුලට ආගමනය වීමත් මේ අවුරුද්දෙ මට වගේම සිංහල යුනිකේතය පාවිච්චි කරන අයට මැක් පාවිච්චි කරන්න වගේම මැක් වල ඉන්න අයට සිංහල පාවිච්චි කරන්නත් හොඳ අවස්ථාවක්.
තව, සිංහල බ්ලොග්කරුවන්ගෙ සංසදයේ පළමු හමුවීමත් මේ වසරේ පැවැත්වුනා. සංසදයට වසර දෙකක්ලු. ඒ වසර දෙක තුල සෑහෙන දියුණුවක් ලබල තියෙන බව පළමු හමුවීමට පැමිණි සියළු දෙනාටම පැහැදිලි උන දෙයක්. බ්ලොග් කෙසේවෙතත් Online පිස්සු කෙලින කස්ටියව හැබැහින් දකින්න ලැබිච්ච එක තමයි මටනම් වැඩියෙන්ම වටින්නෙ..
මේ ඉන්නෙ කස්ටිය..
තව කියන්න නම් දේවල් ගොඩක් තියෙනව. ඒ උනාට දැං ඇති වගේ..
ඒක හින්දා දැනට නවතිනවා… එහෙනම් හැමෝටම 2010 සුභ අලුත් අවුරුද්දක් වේවා..!!
අපිත් දැම්මානේ උබුන්ටු…
ඔක් 25th
සෑහෙන දවසකින් මුකුත් ලියන්නත් බැරි උනා.. (හරියටම කියනවනම් මාසෙකුත් දවස් දහයක් 
)
JustHost කාරයො කෙලලා තිබ්බනෙ මුළු සයිට් එකටම.. 
හොස්ට් එකක් ගන්නවනම් හැමතැනම බලලා, අන්තිමට යන්න තියාගන්න.. දැනටමත් JustHost පාවිච්චි කරනව නම් තියෙන ෆයිල් වල Full Backup එකක් අරං තියාගන්න.. 
දැං කියන්න ආපු මාතෘකාවට..
දැං දවස් කීපයකට කලින් දැම්මා උබුන්ටු.. (දවස් කීපයක් කිවුවට සති දෙකක් විතර.. මේ වෙනකොට තුන්-හතර සැරයක්ම Format කරලත් තියෙන්නෙ…)
9.04 දැම්මෙ.. තව දවස් 4කින් උබුන්ටු 9.10ත් නිකුත් වෙන්න නියමිතයි.. කලිනුත් උබුන්ටු කීප සැරයක්ම දාලා තියෙනවා. ඒත් ඒවා පාවිච්චි කලේ නෑ.. දවසෙන් දෙකෙන් ආපහු වින්ඩොස්… ඒත් මේ පාර නම් ටිකක් අල්ලලා ගියා.. 
මේක තමයි උබුන්ටු වල ඉදං ලියන පළවෙනි බ්ලොග් සටහන.. 
මේ දවස් වල තවම කරන්නෙ වින්ඩොස් වල කරපු දේවල් ලිනක්ස් වලින් කරන්න ෆුල් ගේම දෙන එක.. Office පැත්ත Google Docs බලාගන්න නිසා උලත් එකයි, පිලත් එකයි.. GIMP තමයි තනි අවුල..
ඒ ඇරෙන්න අනිත් ඔක්කොම වගේ අවුලක් නෑ.. LAMPP, FileZilla, Skype, Pidgin/Empathy, Spaz ඔක්කොම ගානට වැඩ.. ආ.. ඇයි Firefox 
(ෆයර්ෆොක්ස් අලුත්ම නිකුතුව උබුන්ටු Software Channel එකට එද්දි හය මාසයක් ගිහින්.. ඕක Update කරන්න ගිහිං සෑහෙන දතක් ගලවගත්තා.. පස්සෙ චතුර අයියගෙ ඔත්තුවකින් දැනගත්තෙ මෙන්න මේක ගැන.. ඒකෙන් යාන්තම් Firefox Update එකක් ආපු ගමන් Update එක ගන්න පුළුවන් )
උබුන්ටු ගැන පොඩ්ඩක් හොයල බලනකොට තමයි දැනගත්තෙ Nautilus එකට super user ලොග් වෙන කතන්දරයක් ගැන.. ඒකෙන් ෆයිල් ගණුදෙනු සම්බන්ධව සෑහෙන දෙයක් කරන්න පුළුවන්.. ඒකට ලොග් වෙන්න gksudo nautilus කියල terminal එකේ කොටන්න විතරයි තියෙන්නෙ.. (නවකයෙක්ගෙන් නවකයන්ට උපදෙසක් )
තව, වින්ඩොස් ඕනෙම කියන Software දෙකතුනකට Wine වලින් shape වෙන්න කිවුවා..
මේ දවස් වල ඔහොම තමයි ජීවිතේ.. උබුන්ටු කියන්නෙ පේන තරම් සරලත් නැති – හිතන තරම් දරුණුත් නැති මෙහෙයුම් පද්ධතියක්.. වෙලාවක් තියෙනවනම් ආතල් එකටත් එක්ක පොඩ්ඩක් දාලා බලන්න.. (හැබැයි Virtual PC වල, Wubi උඩ වගේ නැතුව කෙලින්ම දාගන්න.. අර ක්රම වලට දැම්මහම වෙන්නෙ එපාම වෙලා යන එක.. 
)
උබුන්ටු වලදි කෙලගන්න වැඩ වලදි අතදෙන්න ඉන්න චතුර, ශාකුන්තල අයියලාට ගොඩක් පිං සිද්ධවේවා.. TechBuzz, BeansJar ඩබලටත් ස්තූති වේවා.. 
ආහ්! බුධාජීව ලොක්කගෙනුත් සෑහෙන ටිප්ස් ගත්තා.. 
කාලිංග අයියත් කියලවත් කරගන්න බැරි Help එකක් දුන්නා මගෙ පාටිෂන් එකක්ම මකල දාන්න..
තව නම් නොකියඋන අය සමාවෙන්න හොදේ..
අදට එච්චරයි… අපි කැපුනා එහෙනම්… 
Compaq Cup..!
සැප් 15th
සෑහෙන දවසකට පස්සෙ ඊයෙ හොඳ මැච් එකක් බැලුවා.. මැච් එක පරාද උනාට, කට්ටිය හොඳට සෙල්ලම් කලා.. 
අවසාන තරඟයට කලින් තරඟයෙ ලංකාව ගහපු ලකුණු 307 හඹාගෙන ගිය ඉන්දීය කණ්ඩායමට ගන්න පුළුවන් උනේ ලකුණු 168යි.. ඒ අතින් බලද්දි ලංකාව ඊයෙ හොඳටම සෙල්ලම් කලා.. (මහේල ගොං විදිහට දැවී නොයන්න සහ සංගක්කාරගෙ අවාසනාවන්න දැවී යාම නොවෙන්නට ගේමක් නැතුව දිනන්නත් තිබ්බා.. 
)
තව, ශ්රී ලංකා කණ්ඩායමේ මැද පෙළ දැන් සෑහෙන්න ශක්තිමත් පාටක් පේන්නෙ.. 
ඕක ඔහොම්මම තියාගත්තොත් නම් ගොඩ..
මොනව උනත්, World’s First Digital Trophy එක ගන්න බැරිවෙච්ච එක නම් අපරාදෙ.. කරන්න දෙයක් නෑ, World’s First Digital Trophy තරඟාවලිය, ලංකාවෙ තිබ්බ එක ගැන හිතල වත් හිත හදාගමු..
දැං ඉතින් ගිය දේ ගියා.. දැන් සැප්තැම්බර් 22 ඉඳලා ICC Champions Trophy එක පටන් ගන්නව නෙ, ඒකට වත් හොඳට සූදානම් වෙලා ගිහින්, ඒකවත් (හොරෙන් හරි ) උස්සන්න පුළුවන් වේවා කියල ප්රාර්ථනා කරමු..
ශ්රී ලංකා කණ්ඩායමට ජය-ශ්රී…
