හැප්පුවා… එහෙමත් නැත්නම් හැප්පුනා… ලඟදි දවසක බයිසිකලේ ගිහින් ඇන්නා, කඩල කාරයෙක්ට.. පොඩි වැඩකට කඩුවෙල පැත්තට යද්දි සිද්ධිය උනෙ. හරියටම අලුත් නුවර පාරයි, කඩුවෙල ටවුන් එකයි අතර තියෙන බඩඉරිඟු කඩ ලයින් එකේ කෙනෙක්ට තමයි ඇන්නෙ.
බයිසිකලේ ගත්තත් හරි ඇක්සිඩන්ට් එකක් හැප්පිච්ච පළවෙනි වතාව. හිතට දුකයි, දුකටත් වඩා කේන්ති.

පාර හොඳටම පැහැදිලි, මම ගියා පැ.කි.මී.70ට විතර, කඩල තාච්චියක් ඉනේ තියාගෙන ඩයල් එකක් ආතල් එකේ පාර පනිනවා. ඔය වගේ ගෝත ඩයල් වලට හරියන්නම හෝන් එකකුත් හයි කරල තියෙන්නෙ බයිසිකලේ. මීටර් 200ක් විතර දුර ඉඳන් හෝන් කරන් ආවා, මූ නෙමෙයි බලන්නෙ, ආපු වේගෙන්ම මීටර් සීයක් විතර ගියා, ම්හු! වෙනසක් නෑ, එනපොට හොඳ නෑ වගේ තේරුන හින්දා ගැහුවා බ්රේක්, ඉන්දියන් බයික් නෙ, බසියිකලේට ඕනෙ වෙලාවට තමයි නවතින්නෙ, බුවා ගාවටම ගියා (හෝන් එකත් ගහගෙනම) බයික් එක නැවතුනා. ඒත් හැප්පුනා.. (හැප්පුනාද, හැප්පුවාද කියල මතකයක් නෑ. මට ඔය වගේ අසිහියෙන් පාරෙ යන ඩයල් එක්ක කොහොමත් මල.)

මං උට බැන්නා “කොහෙද මිනිහෝ යන්නෙ?“ ඌත් ඇරියෙ නෑ, “කොහෙද කැ#$ යන්නෙ, අයිං කරල නවත්තපිය බයිසිකලේ“ මොනව උනත් මම නෙ ඇන්නෙ, දැන් ඉතින් ගෙවපංකො අලාබෙ.. අයින් කරල නැවැත්තුව, අරූ ඌ දන්න කුණුහරුප ඔක්කොම කියල බනිනවා. බැන්නා මදිවට බුවා ඇවිත් නෙලුවා දඩාං ගාල මගෙ ඔලුවට.. (මම හෙල්මට් එක දාගෙන හිටියෙ), මට තවත් මල.. ඇයි යකෝ මුගෙ වැරැද්දට මුටම අලාබෙ ගෙවන්න නවත්තපුවම මුං අපිට කොකා පෙන්නන්න හදනවනෙ, වටේ පිටේ කඩ ලයින් එකේ අය සෙට් වෙන්න යනව වගෙත් තේරුන හින්දා මං එහෙම්මම බයිසිකලේ ස්ටාර්ට් කරං මාරු උනා. මොකටද නිකං අහක යන කඩල කන්නෙ..

ඉහත සිදුවීම 9GAG රූප සටහනක් ආශ්‍රයෙන් :

කතාවෙන් ගතයුතු ආදර්ශ :

• කොතනින් හරි ගෝතයෙක් පාර පැනීමට ඉඩ ඇති නිසා කොච්චර පාර ක්ලියර් උනත් කඩ ලයින් එකක් මැද්දෙන් වේගය 50 නොඉක්මවිය යුතුය
• වැරදීමකින් හෝ හැප්පුනොත්, හැකි ඉක්මනින් එම ස්ථානයෙන් පලා යා යුතුය (කඩල කාරයක් සමඟ කතා කර විසඳාගත නොහැක. රැඳි සිටියහොත් සිදුවන්නේ බඩ පුරා කෑමටය)
• ගෝත ඩයල් එකක් පාර මැද සර්කස් පෙන්වන බවක් දුටු විගස කොපමණ ශබ්ධයක් ඇති හෝන් එකක් තිබුනත්, එය නොගසා වාහනය නැවැත්වීමට සූදානම් විය යුතුය.
• කඩුවෙල පැත්තෙන් යන විට අර බුවාගෙන් ප්‍රවේසම් විය යුතුය

නිමි